فكرت كتير ومحتار في هدية عيد الأم ونفسك تختار لمامتك هدية رائعة وغير تقليدية؟ المقالة دي بتقدملك 11 فكرة رائعة وهدايا بأسعار معقولة هتعجب مامتك جدا!
1. مبلغ/ قسيمة هدايا
لو خلاص عيد الأم قرب ومفيش وقت تختار هدية أو مشغول جدا ومش هتلحق تقدم لها هدية، حضر ظرف وضع فيه بطاقة هدايا أو قسيمة هدايا أو مبلغ كويس وقدمه لمامتك. وبكدة هتخليها هي اللي تقرر وتختار الهدية اللي هتخليها مبسوطة بجد. وطبعا هتفرح جدا ان هي اللي هتختار الهدية بنفسها.ومتنساش تختار ظرف أنيق وقدم معه علبة من الشوكولاتة وبطاقة جميلة عشان تشعر بمجهودك المبذول في الهدية.
2. جهاز مساج للجسم/ القدمين
بعض الأيام بتكون طويلة جدا ومرهقة! ولكن بالنسبة للأمهات، دايما يومهم بيكون طويل جدا ومبيخلصش بسبب جدولهم المزدحم ومهامهم الكثيرة. عشان كدة لازم نسأل نفسنا ايه اللي ممكن نقدمه لأمهاتنا ليشعروا بتحسن بعد عناء يوم طويل. بالتأكيد وجودك دايما إلى جانبها لتقدم لها الدعم شئ رائع، لكن جهاز مساج الجسم/ القدمين هيكون الحل الأفضل اللي هيجعلها تشعر بالاسترخاء بعد يومها الطويل. وبكدة هتضمن انها هتعيش تجربة مريحة ورائعة تغيرلها مزاجها وتجعلها في أفضل حال. طبعا انت فاكر انها هدية عادية؟ لكن مش متخيل قد ايه هتكون مميزة ومختلفة وهتفرح بيها جدا.
3. اشتراك في الجيم
دلوقتي تقدر تساعد مامتك انها تحافظ على جسمها ولياقتها البدنية وتتخلص من الوزن الزائد وتدفعلها اشتراك الجيم كهدية عيد الأم. ممكن تكون هي بتخطط للذهاب للجيم من فترة طويلة، ولكن التأجيل عادة سيئة لا مفر منها. فالجيم هيكون فرصة جيدة للأم لتتخلص من الضغط والتوتر وتعدل مزاجها بقيامها بأنشطة مختلفة. ده غير انها هتقابل ناس جديدة وهتعتني بصحتها وبجسمها. وكمان ممكن تكون فرصة رائعة لكي تذهب معها وتمضوا وقت أكثر مع بعض.
4. رجعها لأيام زمان!
كل الأمهات بتتشغل مع أولادها ودايما بتنسى نفسها وهوايتها كلما تقدم بها العمر. تخيل بقى لما ترجعها لأيام الشباب وتسجلها في أي كورس أو ورشة عمل ترفيهية! أكيد هتشعر بالإثارة والفرحة الشديدة.
ممكن تختار هواية مفضلة لها اعتادت ممارستها عندما كانت صغيرة ولكنها تركتها بسبب ضيق الوقت وانشغالها بأمور العائلة. فمثلا تقدر تسجلها في دروس الخط أو ورش الرسم أو دروس تزيين قوالب الكيك أو دروس الخياطة والحياكة والتطريز. وبكدة هتقدر تبعدها شوية عن الروتين اليومي وترجعها لهوايتها المفضلة.
5. المجوهرات هي صديق المرأة المفضل!
كل الأمهات بتعشق المجوهرات سواء حبات اللؤلؤ الأنيقة أو قطع الذهب الرائعة. عشان كدة ممكن تقدم لمامتك أي نوع من المجوهرات، وكمان تكتب اسمها عليها لتكون هديتك مميزة. ومتنساش تضعها في علبة فاخرة أنيقة، ثم تغلفها وتقدمها لها.
ولو الميزانية بتاعتك متسمحش بشراء الذهب تقدر تشتري لها اكسسوارات أنيقة من الفضة. ولكي تجعل الهدية مميزة أكثر ممكن تضعها في علبة خشبية وتحفر عليها اسمها بالليزر أو تضع صورتها على العلبة.
6. أدوات العناية بالبشرة
ممكن تجعل مامتك تشعر وكأنها في منتجع صحي وتقدم لها مجموعة من مستحضرات التجميل والمرطبات والزيوت الأساسية المفيدة للبشرة ومنتجات تقشيرالوجه والجسم العضوية والطبيعية والكريمات. وتقدر بسهولة تجد المنتجات دي في أي مول أو محل لمستلزمات التجميل.
كل اللي عليك انك تحاول تعرف الروائح اللي بتحبها، ولو معرفتش ممكن تختار روائح أساسية كل الناس بتحبها زي الياسمين أو الورد أو اللافندر أو رائحة الفانيليا الخفيفة الرائعة. بجد المنتجات دي بتفرق معهم جدا وبتعدل مزاجهم وبتخليهم يشعروا بالفرحة مع كل استخدام.
7. اكسسوارات منزلية وتحف ولوحات فنية
دلوقتي تقدر تفرح مامتك وتعيد الحيوية للبيت وتقدم لها بعض التحف الأثرية الرائعة وقطع الديكور المميزة. طبعا تقدر تختار تحف بحجم كبير أو صغير على حسب المساحة والشكل وذوق البيت بشكل عام.
بعض النصائح في اختيار هدايا قيمة للبيت:
أولا: اعرف موديل أثاث البيت. يعني مثلا لو موديل البيت كلاسيك، هيكون من الأفضل انك تختار لوحات زهور أو لوحات زيتية. لكن لو موديل البيت عصري، هيكون من الأفضل اختيار لوحات تجريدية. وممكن تختار لوحات بالخط العربي تلائم جميع الديكورات سواء كان البيت كلاسيك أو عصري.
وممكن كمان تقدم لها هدية تجمع بين النواحي الجمالية والعملية. فممكن تشتري لها طقم صيني أو طقم عشاء أو مفارش طاولات أو مفارش سفرة بتصاميم عصرية وألوان زاهية.
8. ايشارب أو شال من ماركة أنيقة
دايما الملابس بتكون اختيار جيد، لكن يجب أن تكون حذرا عند اختيار قطعة الملابس اللي هتناسب ذوقها. ممكن تختار ايشارب أو شال أنيق يضفي إطلالة رائعة على دولابها.
بالتأكيد كل الأمهات بتحب الايشاربات والشيلان خاصة لو كانوا من ماركة يفضلونها، لأنها هتقدر تضع الايشارب أو الشال على أي طقم وتتباهي به أمام أصدقائها.
كل اللي عليك انك تعرف الألوان والأشكال اللي بتليق على وجهها وبشرتها. وده أمر بسيط جدا ممكن تعرفه من الدولاب بتاعها أو حتى من صورها. فقط اختار ايشارب خامته عالية الجودة وانظر كيف سيحول إطلالتها بالكامل.
9. شنطة يد كلاسيكية
مفيش أسهل من انك تختار شنطة يد أساسية تناسب كل الاستايلات بحيث تقدر مامتك تلبسها في المناسبات غير الرسمية أو في الزيارات العائلية.
فقط حاول تختار لون محايد يناسب كل الإطلالات زي اللون البيج والأسود.
بعض النصائح لاختيار شنطة يد رائعة:
حاول عند اختيارك للشنطة أن يكون القماش ناعم وفي نفس الوقت متين لتعيش الشنطة معها طويلا. أفضل الشنط بتكون خفيفة وفي نفس الوقت حجمها مناسب وبها جيوب كثيرة وحمالة كتف قابلة للتعديل. ومتنساش تتأكد من جودة الشنطة وقماشة البطانة وتجرب كل السوست.
10. نظارة شمس أنيقة وعصرية
مفيش أحلى من انك تختار لمامتك نظارة شمس أنيقة وشيك تتباهى بها في كل مكان! فبالتأكيد النظارة دي هتجعلها تبدو كنجمة سينمائية. كل اللي عليك معرفة شكل وجهها واختيار نظارة الشمس المناسبة له.
11. في الآخر، لو ميزانيتك صغيرة ومش قادر تجيب أي هدية غالية، متيأسش أبدا!
تقدر تفرح مامتك في عيد الأم وتقدم لها أصيص زهور أو حوض ورد. وبكدة هتقدر تضفي مظهر ساحر ملئ بالحيوية على البلكونة أو المطبخ اللي بتمضي بهم معظم أوقاتها. لكن خلي بالك من اختيارتك لكل زهرة. فمثلا زهرة البنفسج وزهرة الذنبق تضفيان أجواء ملكية رائعة، بينما زهرة الياسمين تعطي احساس بالنضارة والحب.
مامتك مبتحبش الورد! مفيش مشكلة، تقدر تقدم لها مجموعة من الأعشاب الأرضية والعطرية الرائعة زي الروزماري والنعناع والزعتر الطازج.بالتأكيد هتحب الأعشاب لأنها هتقدر ترشها على الطعام أو تستمتع بها مع كوب من الشاي الطازج اللذيذ.
اجعل يومها مميز لأن الأم المميزة لازم تقدم لها هدية مميزة زيها، وخليك عارف ان حبك لها أكبر هدية ❤ ❤ عيد أم سعيد!
هدايا غير تقليدية وفي حدود الميزانية لعيد الأم