أخيرا بدأ رمضان بأجوائه الروحانية اللي بتخلينا نسترجع أيام الطفولة وذكريات التجمعات العائلية، وصوت المدفع اللي بيضرب قبل أذان المغرب مباشرة معلنًا انتهاء الصيام. الكل بيبدأ يجهز السفرة بشوق لتذوق الطعام اللذيذ بعد يوم صيام طويل. فصورة رمضان دايما مرتبطة في أذهاننا بتجمع العائلة على السفرة المليئة بالأطعمة الشهية، والسهرة بعدها مع الأهل والأصدقاء حول التليفزيون لمتابعة المسلسلات والبرامج الممتعة. وأي بيت مصري أصيل لا يخلو بعد الفطار من أكواب الشاي بالنعناع وأصناف الحلويات الشرقية المختلفة.

استغرب كثيرًا كيف تبذل السيدات بشكل عام سواء الأم أو الحماة أو الأخت أو القريبة مجهود كبير في تحضير سفرة الفطار في رمضان لتجميع أفراد العائلة على سفرة واحدة. وعشان احنا عارفين انهم بيتعبوا كتير في رمضان ودايما بيعبروا عن حبهم لنا بتحضير ألذ وأشهى المأكولات، ايه رأيكم لو ساعدناهم في تبسيط مهام المطبخ مثل البشر و التقطيع و الخلط و العجن؟ طبعا دي أكتر حاجة ممكن تسعدهم في رمضان.

مفيش داعي تفكر كتير ازاي تعمل ده، لأن الكيتشن ماشين أو محضر الطعام هما الحل. أي مطبخ تقريبا بيكون فيه واحد من الجهازين. وإذا لم يكن لديك أيٍ منهم، فأنت بالتأكيد تحتاج إلى واحد! اضغط هنا للتسوق لأنهم من الأجهزة الأساسية في كل مطبخ.
وبالرغم من ان معظم الناس لديها محضر طعام أو كيتشن ماشين، لكنهم لا يستطيعوا  استغلال هذه الأجهزة على الوجه الأمثل. عشان كدة لازم تعرف الاستخدام الأمثل للملحقات عشان تختصر على نفسك وقت تحضير الطعام في رمضان. في المقالة دي، هنشرح لك باختصار وظيفة الملحقات الأكثر استخداما اللي بتأتي مع الخلاطات وأجهزة الكيتشن ماشين ومحضرات الطعام. استفيد من هذه المقالة جيدا، وشاركها مع والدتك وأقاربك وكل معارفك.

:لو عايز تعرف الفرق بين الكيتشين ماشين ومحضر الطعام  شوف الفيديو ده

أكثر 16 نوع من الملحقات استخداما مع أفضل طريقة لاستخدامهم

1‏. كبة

تتميز الكبة بتصميم عملي وصغير يعمل على طحن المكسرات بالحجم الذي تريده. فالكبة دي هتساعدك على طحن المكسرات مثل عين الجمل واللوز والفستق. وبكدة هتقدر تزين وتحشي الحلويات زي القطايف والكنافة بالمكسرات. مش بس الحلويات، الكبة كمان هتساعدك على طحن الأعشاب والبصل والثوم. ده غير انك هتقدر تستخدمها عند تحضير  قطع الخبز لسلطة السيزر وكرات اللحم أو في بشر الجبنة لتحضير المكرونة بصوص الجبنة اللذيذ.

2‏. صانع آيس كريم

مع دخول الصيف، دايما أوقاتنا بتحلى مع الآيس كريم البارد بنكهاته الرائعة. تأتي بعض أجهزة الكيتشن ماشين بملحق مخصص لتحضير الايس كريم عشان تقدر تحضره في البيت بالطريقة والنكهة اللي بتحبها. فالملحق ده هيساعدك على تحضير الايس كريم اللذيذ سواء كنت تريد تحضير ايس كريم صحي بدون سكر أو بسكر.

3‏. مطحنة

دايما اللي بيميز الأطباق عن بعضها التوابل لأنها بتضيف نكهة خاصة على الطعام. عشان كدة، المطحنة هتساعدك على طحن الحبوب مثل الكمون والفلفل الأسود والكزبرة والفلفل الحار الجاف. وبكدة هتقدر تستمتع بأطباق مميزة بنكهات وروائح لا تقاوم. طبعا ممكن تشتري توابل مطحونة وجاهزة، بس مش هتكون بنفس نكهة ورائحة الحبوب الطازة اللي بتطحن في البيت.

4‏. مفرمة لحم

معظمنا يمنع أطفاله من أكل البرجر ومعظم اللحوم المعالجة لعدم ضمان جودتها. لكن دلوقتي مش هتضطر تحرم أطفالك من البرجر لأن المفرمة هتساعدك على فرم اللحم لتحضير البرجر وكرات اللحم والسجق في البيت. تأتي الكيتشن ماشين بعدة ملحقات لفرم اللحم عشان توفر  عليك وقت ومجهود الذهاب إلى الجزار. وبكدة هتقدر تستمتع بتناول لحم مفروم واثق في مصدره ومذاقه، على عكس العديد من الجزارين اللي ممكن يفروموا أجزاء من اللحم قد لا تفضلها.

5‏. سكاكين بلاستيك

تشبه هذه السكاكين السكاكين العادية، ولكن لها استخدام مختلف تماما. هذه السكاكين تستخدم في خلط وعجن الدقيق الخفيف بلطف بدون ما تسبب أي فوضى في المطبخ.

6‏. عصارة فواكه

ملحق مخصص لتحضير العصير المنزلي الطازة. وبكدة هتقدر تحضر لعائلتك في البيت كل العصائر المنعشة مثل الليمون والبرتقال والجريب فروت.

7‏. قرص لتقطيع البطاطس

القرص ده مخصص لتقطيع البطاطس إلى صوابع بأشكال متساوية. وكمان هتقدر تتحكم في حجم صوابع البطاطس سواء كنت تريدها رفيعة أو تخينة، عشان تحصل على الطعم المقرمش اللي بتحبه.

8‏. قرص تقطيع رفيع (جوليين):

أضف لمسة مختلفة على أطباق الفاكهة والخضروات الخاصة بك مع قرص تقطيع جوليين. فالقرص ده هيساعدك على تقطيع الخضروات إلى شرائح رفيعة وطويلة.

9‏.  مضرب مسطح

يتميز المضرب المسطح ده بتعدد الاستخدامات. فهتقدر تستخدمه في تحضير الكيكة الاسفنجية والبسكويت والمخبوزات والخبز السريع والكريمة المخفوقة والبطاطس المهروسة.

10‏. خطافات عجن

خطافات العجين تكون مصممة بشكل مخصص للعجين ذو القوام السميك، لكي لا تبذل مجهود كبير في العجن. وبكدة هتقدر تستخدمه في عجن الدقيق العادي أو الخميرة وكمان تحضير المعجنات ذات القوام السميك.

11‏. أداة خفق بالونية الشكل

استخدم أداة الخفق البالونية دي في الخفق الخفيف زي زلال البيض وقوالب الكيك الخفيفة والكريم شانتيه.

12‏. أداة بشر

قرص البشر هيساعدك في تقطيع الخضروات زي الكرنب والجزر إلى قطع صغيرة وشرائح رفيعة على حسب ما تفضله. فالقرص ده مثالي لتحضير سلطة الكول سلو وسلطة الكرنب الأحمر.

13‏. مبشرة

تستخدم في بشر الجبنة والخضروات.

14‏. ملحق تقطيع إلى شرائح

من أكثر المصاعب اللي بتواجهنا في اتباع نظام غذائي صحي هو الوقت والمجهود المبذول في تحضير الخضروات والفاكهة. لكن ملحق التقطيع إلى شرائح هيساعدك على تقطيع الخضار والفاكهة بسهولة إلى شرائح لتحضير سلطة خضراء أو خضار سوتيه. وكمان هينجزلك وقتك، خاصة لو عندك ضيوف كتير وهتحضر كميات كبيرة.

15‏. سكينة على شكل حرف S

تأتي السكينة دي مع كل محضرات الطعام وأجهزة الكيتشن ماشين، وتتميز بتعدد استخداماتها. ويمكن ان تكون معدنية أو من البلاستيك، ولكن السكاكين المعدنية تكون أكثر متانة وتتحمل مهام أكثر. وطريقة استخدامك لها بتحدد النتائج اللي بتحصل عليها. مثلا، في حالة استخدام خاصية الخفق بالنبضات، ستعمل السكاكين على خفق وتقطيع المكونات، ولكن في حالة الضغط على الزر باستمرار، سيتم خلط وهرس المكونات تماما.

16‏. خلاط

أكثر جهاز أساسي لأي مطبخ لأنه هيساعدك على خلط كل شيء تحتاجه. كمان هتقدر تستخدم الخلاط في تحضير الميلك شيك والسموذي والمشروبات المثلجة.

no toc