سبقنا الكل ووفرنالك خدمة مش موجودة غير عندنا بس!
من دلوقتي مش لازم تستنى الأوردر يجيلك لحد البيت! تقدر تعمل اوردر اونلاين وتستلم المنتج من أقرب فرع متاح فيه في خلال ساعتين بس!!
لو بتسأل نفسك هتستفيد منها ازاي و ليه عملنالك الخدمة الاجابة هنا:
1. عشان نوفر لك حرية الاختيار
عايزينك تحدد بنفسك اللي يناسبك من غير اي قيود .عندك الاختيار تشتري من الفرع ، أو تعمل اوردر اونلاين والمنتج يجيلك لحد باب البيت ، أو تستلمه من الفرع. الاختيارات دي كلها متاحة عشان تجيب المنتج اللي انت عايزه بالضبط بالطريقة اللي تريحك والمكان اللي تختاره وفي الوقت اللي يناسبك.
2. عشان نوفر وقتك ومجهودك
بسط الموضوع على نفسك واعمل الأوردر اونلاين بالذات لو مسافر أو مستعجل على الأوردر. خلص كل اللي وراك وفي الطريق عدي على الفرع اللي اختارت تستلم منه لأن أنت أولى بكل ثانية.
3. ونسهل عليك تجيب هدية بسرعة
لو انشغلت جامد ولقيت نفسك مضغوط تشتري هدية في وقت قليل مش لازم تفرهد نفسك في مشاوير كتير ملهاش لازمة. وأنت قاعد في البيت أو الشغل أدخل على الموقع واختار الهدية اللي انت عايزها اونلاين واستلمها من الفرع في خلال ساعتين بس عشان يبقى عندك وقت ترتب لأي حاجة كمان.
4. عشان تفضل متحمس
كلنا بنتحمس أوي أول ما نعمل أوردر! بس بعديها بنبقى قاعدين على اعصابنا واحيانا ممكن نزهق من كتر ما بنستنى. متخليش الحماس يروح منك لأن في خلال ساعتين بس المنتج اللي نفسك فيه ممكن يكون في ايدك.
5. عشان متدوخش نفسك تاني
مفيش خلاص لف ودوران من فرع لفرع عشان تلاقي المنتج اللي انت عايزه. لما هتختار الفرع اللي عايز تستلم منه أكيد هيكون هناك فمفيش تأخير ولا صداع خلاص. انزل وانت مطمئن!
