وانت بتشتري لاب توب بتبقى عايز تختار الأنسب لاستخدامك والسر هنا في البروسيسور .

 

في المقالة دي هنتكلم عن بروسيسور انتل (Intel) 

 

هنشرحلك  في 4 نقاط الطريقة اللي بيتكتب بها عشان أول ما تقرأها تقدر تعرف إمكانياته

اسم بروسيسور انتل بيتكون من 4 أجزاء (عشان نوضح خلينا كل جزء بلون)

 

1. الجزء الأول هو الرقم اللي بعد الحرف i  ، ومن الرقم ده تعرف إمكانيات البروسيسور

– i3 أقلهم أداء ينفع لو بتدور على لاب توب من غير ما تدفع كتير

– i5 سعر اللاب توب في الفئة دي بيكون متوسط وأدائه بيكون مُرضي لمعظم المستخدمين

– i7  أفضلهم أداءً ومتميز جدا خصوصا لو بتشتغل على فوتوشوب أو برامج فيديو

2. رقم اللي بعد الشرطة على طول هو فئة البروسيسور. 

– وده بيعرفك جيل البروسيسور. كل ما يبقى الرقم أعلى يبقى البروسيسور أحدث.

– من أحدث الفئات دلوقتي هي الفئة ال 8. فالأفضل ما تنزلش أكثر من فئتين يعنى لحد الفئة 6.

 

3. الأرقام اللي بعد الفئة بكل بساطة بتساعدك تقارن ما بين 2 بروسيسور.

ممكن يكون فيه 2 بروسيسور من نفس الفئة ولكن بقدرات متفاوته .

مثلا لو بتقارن ما بين i7-7500 و  i7-7700

 

– الاثنين core i7 ومن نفس الفئة ال7 ، ولكن 7700 أفضل أداء من 7500

– فكل ما الرقم ده بيزيد كل لما بيكون البروسيسور أقوي ، أسرع و أكفأ.

4. أخر حاجة هي الحرف الأخير

فيه بعض البروسيسور بيكون مالوش حرف وده بيبقى البروسيسور العادي

 

K: بتكون أسرع شريحة وبتلاقيها في لاب توب عالي الأداء جدا أو للدسك توب

 

G: الشريحة مدمج فيها بروسيسور للجرافيكس. أكثر ناس تستفيد منه هما ال  Gamers وأي حد بيحب يعمل download  ل ابليكنش كتير

 

T: أستخدامها قليل للطاقة ولكن أدائها أحسن من الشرائح العادية

 

U: أوفر فئة لاستخدام الطاقة واستنفاذها ، ولكنها تعتبر أقل سرعة من الاخرين

تقدر تشتري لاب توب ببروسيسور انتل هنا