فيه ناس كتير دلوقتي بتدور على لاب توب بالذات لو بتشتغل من البيت و اللاب توب الشخصي قديم، بطيء، أو بيهنج.

فعشان متتحيرش احنا لخصنا لك 8 حاجات اللي تركز عليهم عشان تختار لاب توب يكون مناسب للشغل.

1.حجم شاشة اللاب توب

شاشات اللاب توب بتبتدي من 11 ل 17 إنش و المعروفين هما 13،15 و17 أنش.  

حجم شاشة اللاب توب بيفرق في ايه؟

راحة العين

لو بتفتح كذا حاجة على الشاشة وعايز تشوفهم في نفس الوقت

الشاشات الكبيرة بتخلي اللاب توب أثقل . فكل ما كان أصغر كل ما كان أسهل تشيله (زي 12.5 انش)

2. وزن اللاب توب

وزن اللاب توب بيحدد مدى راحتك وأنت شايله على رجلك والوزن المتوسط للاب توب هو 2.3 كيلو جرام(كج). والجدول ده بيبين الأسم الشائع للجهاز حسب وزنه

وطبعا فيه أوزان بتزيد عن كده لكنها أقل استخداماً

3. الصورة

دقة الصورة بتعتمد على عدد البيكسل كل ما زاد كل ما هتشوف صورة نقية بتفاصيل وألوان أفضل. ده ملخص لتنصنيفات الدقة من الأعلى للأقل.

المصدر

 

الخلاصة؟

– Full HD أوRetina Display  مناسب جدا  للشغل .

– لو شغلك في التصميم والتصوير هتحتاج أعلى من Full HD وده طبعا بيكون أغلى 

 

 

4. البروسيسور (المعالج)

قوة البروسيسور بتقيس سرعة اللاب توب وقدرته على انه يشتغل على كذا حاجة وكذا برنامج في نفس الوقت. وده عادة بيتقاس بعدد النواة مثلا:

اللاب توب ثنائي النواة بيكون أقل كفاءة لكن اللاب توب رباعي النواه بيكون البروسيسور فيه قوي ويستحمل شغل تقيل ومتنوع  

الخلاصة؟

 بروسيسور رباعي النواة أنسب حاجة للشغل انما لو شغلك ثقيل جدا يبقى  هتحتاج أكثر من 4 نواة.

 

5. الرام 

الرام هي ذاكرة اللاب توب المؤقته اللي بتحتاجها وانت بتشتغل وهي بتقيس قدرته على التخزين والوصول للمعلومات.

8 جيجا رام مناسب للشغل العادي لمعظمنا إلا لو شغلك ثقيل وبيحتاجك تشتغل على برامج تصميم كتير زي الفتوشوب أو 3D Max في الحالة دي 16 جيجا بيكون أفضل. 

 

6. سعة التخزين

 

ودي بتسمحلك تحتفظ بمعلومات و files وبيانات كثيرة على جهازك وده حسب استخدامك الشخصي.

والسعات المتعارف عليها هي: 128 جيجا أو 256 أو 512 جيجا. وفيه أكثر من كدة لو كان احتياجك أكبر وغالبا هيكون أغلى

7.عدد منافذ الUSB

لازم تشوف كمان عدد منافذالUSB  بتخليك توصل اللاب توب لكذا جهاز 

 

8. أنظمة مخصصة للحماية و الخصوصية