عشان تختار غسالة ملابس، أكيد الموضوع مش سهل وبياخد منك وقت كتير في البحث والتفكير، لأن غسالة الملابس تعتبر من أهم الأجهزة الأساسية في أي بيت. وعشان كدة، بنقدملك دليل شراء غسالات الملابس لمساعدتك في اختيار غسالة الملابس المناسبة لاحتياجاتك.
خليك واثق انك بعد قراءة المقالة دي هتكون فاهم كويس الفرق بين غسالات الملابس وبعضها، وايه هي الخصائص اللي بتميز غسالة عن الأخرى، والأهم من ده كله هتكون عارف احتياجاتك اللي هتختار على أساسها الغسالة المناسبة ليك. وفي أي وقت تذهب لشراء الغسالة ويتحدث معك البائعين عن خصائص ومواصفات غسالات الملابس، بعد قراءة المقالة دي هتكون قادر تفهم معظم الكلام اللي بيقولوه من غير ما تشعر بأي غرابة أو حيرة من كلامهم لأنك عندك خلفية جيدة عن الموضوع. خلينا نبدأ…
اختار من القائمة التالية الموضوع الذي تريد القراءة عنه:
١.اعرف احتياجاتك
من أهم العوامل اللي لازم تضعها في الاعتبار عند اختيار غسالة الملابس المناسبة ليك: عدد أفراد الأسرة، وعدد مرات الغسل، وحجم حمولة الغسيل، وتصميم الغسالة، والميزانية.
عدد أفراد الأسرة
الأسرة الصغيرة اللي بتتكون من فردين فقط تحتاج إلى غسالة ملابس 7 كيلو، والأسرة المتوسطة اللي بتتكون من 4 إلى 5 أفراد عادة بتحتاج إلى غسالة ملابس من 7: 9 كيلو، وبالنسبة للعائلات كبيرة الحجم تحتاج غالبا إلى غسالة ملابس من 10: 13 كيلو. ولازم تفكر في المستقبل وتاخد في الاعتبار احتمالية زيادة عدد أفراد العائلة.
حجم الحمولة وعدد مرات الغسل
لو انت من الأشخاص اللي بتضع حمولات كبيرة في غسالة الملابس، فانت بالتأكيد تحتاج إلى حلة حجمها كبير خاصة لو انت من الأشخاص اللي بتغسل ألحفة ومفارش وأغطية السرير في الغسالة. وبعد كدة فكر جيدا كم عدد المرات اللي بتغسل فيها. لو أسرتك متوسطة الحجم ولكن لا تغسل غير مرتين في الاسبوع، فغسالة الملابس الـ 7 كيلو هتكون مناسبة لك. ولكن، لو بتغسل مرة واحدة فقط في الاسبوع، فمن الأفضل شراء غسالة ملابس أكبر حجما.
التكلفة الإجمالية
تكلفة غسالة الملابس مش بس السعر اللي مكتوب عليها. عشان تحسب التكلفة الفعلية للغسالة، لازم تحسب سعر الغسالة زائد المصاريف اللي هتدفعها لتشغيل الغسالة، وبكدة هتقدر تقيّم مقدرتك المادية ومتطلباتك المادية المستقبلية.
اللون والتصميم
تأكد من اختيارك لغسالة ملابس تناسب لون وذوق وتصميم بيتك. والألوان الشائعة هي: الاسود والفضي والابيض والرمادي.
٢.أنواع الغسالات
الغسالات إما بتكون نصف اوتوماتيك وإما فول اتوماتيك. ويوجد العديد من الأنواع في الغسالات لكن في الغالب هما نوعين: غسالة ملابس تحميل علوي وغسالة ملابس تحميل أمامي. وممكن تختار غسالة ملابس إما بتصميم منفصل (غير مدمج) وإما بلت ان حسب مساحة وتصميم مطبخك.
نصف أوتوماتيك: عادة ما تتطلب غسالات النصف اوتوماتيك تدخل يدوي منك، لأنك بتوقف الغسالة وتفرك الملابس لإزالة الأوساخ وكمان بتخرج الملابس بنفسك وتدعها تجف في حلة منفصلة.
فول اتوماتيك: مع الغسالة الفول اوتوماتيك، مش هتحتاج إلى أي تدخل يدوي. تتميز غسالة الملابس الفول اوتوماتيك بعدد برامج أكبر عشان توفر عليك وقت ومجهود كبير.
غسالة ملابس تحميل علوي
أفضل حاجة في غسالات التحميل العلوي، انك بتضع الغسيل من فوق بدون ما تنحني، عشان كدة لو عاوز تشتري مجفف هتحتاج تضع غسالة الملابس والمجفف إلى جانب بعض. عادة ما يحتوي هذا النوع من الغسالات على محركات هزازة أو مراوح دافعة. ولكن المحركات الهزازة بتاخد مساحة كبيرة من الغسالة، وبالتالي ده بيقلل من سعة الغسالة. وعشان كدة غسالات التحميل الأمامي اللي بتحتوي على محركات هزازة بتكون أرخص سعرا.
المميزات
- مع غسالات التحميل العلوي مش هتحتاج ان تنحني لوضع الغسيل في الغسالة. وده بيجعلها مناسبة أكثر للكبار في السن اللي بيعانوا من مشاكل في الظهر أو الركبة.
- كمان الغسالات دي بتكون أرخص من غسالات التحميل الأمامي لأنها بستهلك مياه وطاقة أكثر.
العيوب
- تسهتلك غسالات ملابس التحميل العلوي 17.94 جالون ماء لكل غسلة وده تقريبا ضعف كمية المياه اللي بتحتاجها غسالات التحميل الأمامي، عشان كدة غسالات التحميل العلوي مصاريفها أكثر.
- كمان المحركات الهزازة قد تعرض الملابس والأقمشة الناعمة والخفيفة للتلف.
- ده غير ان المحركات دي بتاخد مساحة كبيرة من الغسالة، وده بيقلل من مساحة الحمولة، أي سعة الغسالة.
- لازم تعرف كمان انك لو اخترت غسالة ملابس تحميل العلوي، لازم يكون عندك مجفف جنب الغسالة وده هيضيق من مساحة المكان جدا خاصة لو المساحة بالفعل صغيرة.
- كمان مع الحلل العميقة، هتضطر تنحنى كثيرا لاسفل لتخرج جميع الملابس.
غسالة ملابس تحميل امامي
يتم فتح غسالات ملابس التحميل الأمامي ووضع الملابس من الأمام. يستخدم هذا النوع من الغسالات تقنية الدوران بدل من المحركات الهزازة مما يجعلها أكثر رقة ونعومة على الملابس وأكثر فعالية في استهلاك الطاقة.
المميزات
- يتميز هذا النوع من الغسالات بتصميم عصري أكثر.
- كمان غسالات التحميل الأمامي بتتميز بالعديد من برامج الغسل.
- غسالات ملابس التحميل الأمامي عملية أكثر لأن تصميمها بيسمح بوضع مجفف فوقها، على عكس غسالات التحميل العلوي اللي لازم يكون المجفف بجانبها وده بيقلل من مساحة المكان.
- بالنسبة لاستهلاك الطاقة والمياه، تستهلك غسالات التحميل الأمامي متوسط 8.74 جالون مياه لكل غسلة، وده تقريبا نصف الكمية اللي بتحتاجها غسالات التحميل العلوي.
العيوب
- غسالات التحميل الأمامي أغلى من غسالات التحميل العلوي.
- لابد من الانحناء أمام الغسالة عند وضع الغسيل أو إخراجه.
غسالات ملابس ثانوية
الغسالات دي بتكون صغيرة ويتم وضعها أسفل الغسالة الرئيسية عشان تقدر تشغل دورتين في نفس الوقت. وبيتم رفع غسالة الملابس الرئيسية بحوالي 30 إلى 40 سم.
غسالات ملابس تحميل علوي موفرة للطاقة
هي عبارة عن غسالة تحميل علوي بس الفرق بينها وبين غسالات التحميل العلوي اللي وضحناها سابقا هي أن سعتها أكبر لأنها تستخدم مراوح دافعة بدلا من المحركات الهزازة اللي بتاخد مساحة من سعة الغسالة. كمان النوع ده من غسالات التحميل العلوي هو أقل ضوضاء بكثير وأقل استهلاك للطاقة.
٣.كفاءة التجفيف،عدد اللفات
يتم قياس سرعة العصر في غسالات الملابس بعدد اللفات في الدقيقة، وكلما زاد عدد اللفات في الدقيقة كلما كان تجفيف غسالة الملابس أفضل. وسرعة العصر الجيدة تعمل على إزالة كميات المياه الفائضة في نهاية البرنامج لتقليل الفترة اللازمة لتجفيف الملابس على أحبال الغسيل أو في مجفف الملابس. وتتراوح سرعات العصر في غسالات الملابس من 1000 إلى 1800 لفة في الدقيقة، ويفضل اختيار غسالة ملابس يتراوح عدد اللفات بها من 1200 إلى 1400 لفة في الدقيقة. تحتاج المناشف والأقمشة الثقيلة إلى سرعة عصر عالية أي عدد لفات أكبر، بينما تحتاج الشرابات والملابس الخفيفة والرقيقة إلى سرعة عصر أقل أي عدد لفات أقل. طبعا ممكن تقلل سرعة العصر في الغسالة، لكن لا تستطيع رفع سرعة العصر أو عدد اللفات عن الحد الأقصى. لازم كما تعرف ان ثمن غسالة الملابس بيزيد كلما ارتفت سرعة العصر وكلما قل مستوى الضوضاء اللي بتصدره الغسالة.
٤. تصنيف استهلاك الطاقة
من أكثر العناصر المهمة اللي لازم تاخد بالك منها وانت بتختار غسالة الملابس المناسبة ليك هي كفاءة الغسالة في استهلاك الطاقة والمياه. يوجد في السوق العديد من غسالات الملابس الموفرة للطاقة بتصنيفات مختلفة. وتقوم الشركات بوضع هذه التصنيفات على حسب استهلاك غسالة الملابس للطاقة والمياه أثناء برنامج غسل الملابس القطنية عند درجة حرارة 60. وتتراوح التصنيفات من A+++ إلى A، وكلما زاد عدد العلامات كلما كانت غسالة الملابس أكثر كفاءة في استهلاك الطاقة. عشان كدة يفضل شراء النوع ده من الغسالات لانها هتوفرلك كتير في فواتير المياه والكهرباء.
٥. حجم الحلة
من أهم العوامل أيضا اللي لازم تاخدها في الاعتبار حجم الحلة. وحجم الحلة معناه عدد كيلو جرامات (حجم) الغسيل اللي ممكن تضعه في الغسالة. ويوجد أحجام مختلفة لحلة الغسالة ولازم يكون اختيارك بناء على احتياجاتك. كمان لازم تاخد في الاعتبار وانت بتختار حجم الحلة انك هتحتاج تضع الغسيل في الغسالة بسهولة بدون ما تواجه أي صعوبة في وضعه بسبب حجم الحلة الصغير. اختار حجم حلة مناسب لتحصل على أفضل نتائج النظافة الممكنة. وبالتأكيد كلما كان حجم حلة الغسل أكبر، كلما كان من السهل لك وضع كميات كبيرة من الغسيل مرة واحدة، وبالتالي كان عدد دورات الغسيل أقل. وكمان هتضمن أكبر نظافة ممكنة لملابسك لأن مساحة الحلة هتكون أكبر وبالتالي الغسيل هيتحرك في الحلة بشكل أفضل، بالإضافة إلى انك هتحصل على تجفيف أكثر فعالية.
ازاي تختار حجم مناسب لحلة الغسالة؟
تتراوح حلل غسالات الملابس من 5 إلى 12 كجم، وأكثر أنواع غسالات الملابس شيوعا بتكون سعة الحلة 7 كجم. ويتم قياس حوض الغسل الداخلي بالقدم المكعب، وتتراوح أحواض الغسل في الغسالات من 1 قدم مكعب إلى 6 قدم مكعب. وعادة ما يتراوح حجم الحلة في غسالات التحميل العلوي من 3.2 قدم مكعب إلى 6.2 قدم مكعب، بينما سعة الحلة في غسالات التحميل الأمامي تتراوح من 4.2 قدم مكعب إلى 5 قدم مكعب. وعشان تقدر تحسبها كويس، حلة بحجم 4.5 قدم مكعب تستوعب لحاف كبير، يعني تقريبا من 25 إلى 30 منشفة حمام.
٦. المقاسات ومتوسط أبعاد غسالة الملابس
ما هو متوسط أبعاد غسالات الملابس؟
عادة ما يكون متوسط الأبعاد لغسالات الملابس التقليدية كالتالي:
الارتفاع 85 سم، والعرض 70 سم، ويتراوح العمق من 40 إلى 70 سم، لكن غسالات الملابس المدمجة بيكون متوسط العرض 60 سم.
ما هي المقاسات اللي لازم اعرفها؟
عندما تأخذ أبعاد ومقاسات غسالتك، أول حاجة لازم تاخدها في الاعتبار هي قياس ارتفاع وعرض وعمق المكان اللي هتضع فيه الغسالة. كمان لازم تاخد في الاعتبار الأبعاد الداخلية والخارجية للغسالة، فبعض الغسالات بتأتي بتصميم منحني وضخم من الحواف والأمام. حاول كمان تقيس فتحات الأبواب والممرات عشان تتأكد ان حجم الغسالة مناسب للمرات دي وكمان لا بد من ترك مساحة خلف الغسالة.
٧.التركيب
قبل ما تركب الغسالة، محتاج تاخد في الاعتبار تركيب مواسير الصرف والمياه عشان تتناسب مع غسالة ملابسك وتعمل بشكل صحيح. ولابد من ترك مساحة إضافية لمواسير الصرف والسباكة خلف الغسالة. وده معناه ان اول حاجة هتعملها هي تركيب مواسير لتوصيل مياه التغذيه والصرف خلف غسالة الملابس. وطبعا، محتاج مواسير مياه ساخنة وباردة ويفضل أن تكون على بعد 3 أقدام من وصلات الغسالة. ولو كنت عاوز تضع مع غسالة الملابس الرئيسية غسالة ثانوية (يتم تركيبها أسفل الرئيسية)، لازم تضيف على ارتفاع الغسالة من 16 إلى 40 سم عشان متأثرش على أي خزانات قد تكون موجودة فوق الغسالة.
بالإضافة إلى المقاسات القياسية لغسالة الملابس، لازم تاخد في الاعتبار ترك مساحة إضافية في الاتجاهات التالية:
-
- الواجهة: لابد من ترك 4 قدم إضافية أمام غسالة الملابس لكي تفتح باب الغسالة بكل سهولة وكمان عشان تقدر تضع الغسيل وتخرجه بكل سهولة.
- الجوانب: كمان لابد من ترك من 3 إلى 8 سم على كل جانب لمنح مساحة لمرور الهواء وتقليل الضوضاء.
- الخلف: اترك من 10 إلى 15 سم خلف الغسالة لفتحات تهوية المجفف ولفتحة الصرف ولوصلات المياه.
٨. قائمة بأهم برامج الغسيل واستخداماتهم
تتميز غسالات التحميل الأمامي بالعديد من البرامج اللي هتساعدك على توفير أقصى عناية ممكنة لملابسك. بالإضافة إلى دورات الغسيل العادية، تأتي غسالات ملابس التحميل الأمامي بالعديد من البرامج الإضافية بدرجات حرارة وسرعات عصر وإعدادات مختلفة للملابس شديدة الاتساخ.
للتعرف على قائمة برامج الغسل المكونة من 22 برنامج واستخدامات كل برنامج يمكنك قراءة هذه المقالة آملين أن تكون دليلك في الاستخدام
٩. المنظفات
يمكنك اختيار العديد من أنواع المنظفات لغسالتك، فممكن تستخدم منظف مسحوق أو جل أو سائل. ميزة المنظفات الجل أو المساحيق هي انك سهل تحدد الكمية المناسبة للغسيل بدون وجود أي صعوبة في تقدير الكمية. بالرغم من كدة، المنظف السائل أفضل في دورات الغسيل ذات درجة الحرارة المنخفضة لأنه بيذوب بسهولة.
١٠. الألوان الشائعة
إذا كنت تخطط لوضع غسالة ملابسك في مكان يمكن للضيوف رؤيتها، فانت تحتاج إلى التفكير في اختيار تصميم ولون يطابق ألوان المكان.
والألوان الشائعة لغسالات الملابس هي: الفضي والرمادي والأسود والأبيض والأحمر في بعض الموديلات.
١١. نصائح عامة
-
- العمر الافتراضي لغسالات الملابس تقريبا من 8 إلى 14 سنة
- لكن تقدر تساعد غسالة ملابسك انها تعيش أكثر لو استخدمت برنامج تنظيف حلة الغسيل بشكل منتظم.
- كمان حاول تختار غسالة بأكبر عدد سنوات ضمان.
- أفضل فئات استهلاك الطاقة هي A+++.
- لو شقتك صغيرة أو مطبخ شقتك مفتوح، هتحتاج إلى غسالة ملابس بمحركات أقل ضوضاء، وعادة ما تكون هذه الغسالات ما بين 70 إلى 75 ديسيبل مع أقل اهتزاز ممكن.
- ولا تقم بوضع مجفف الملابس فوق غسالة الملابس إلا بعد التأكد من أن موديل الغسالة يسمح بذلك. لأن مش كل غسالات الملابس بتسمح بوجود مجفف ملابس فوقها.
- ولو كنت ترغب في وضع الغسالة والمجفف فوق بعض، يجب وضع المجفف فوق غسالة الملابس لأنه أخف وزنا.
نأمل أن يساعدك هذا الدليل على اختيار غسالة الملابس المناسبة لاحتياجاتك بكل سهولة. اضغط هنا لاختيار غسالة الملابس المناسبة لك .
مقالة رائعة
جزيل شكرى
شكرا ويشرفنا نعرف رأيك في مقالات أخرى 🙂