بعض الأشخاص تفضل الموبايلات اللي بتتميز بمعالج قوي عشان تنجز كل المهام بكفاءة في نفس الوقت بدون بطء أو تهنيج. بينما البعض الأخر يفضل موبايل مخصص للألعاب  يتميز بجرافيك ورسومات عالية الوضوح. فكل شخص بيختار الموبايل على حسب احتياجاته.

عشان كدة في المقالة دي هتعرف تختار الموبايل المناسب لك.

نظام التشغيل

أول حاجة لازم تحدد نظام التشغيل اللي بتحب تستخدمه. ويوجد نوعين من أنظمة التشغيل: اندرويد واي او اس. فنظام تشغيل اي او اس مخصص لأجهزة ابل زي الايفون الايباد والايبود. وإصدارات نظام تشغيل أجهزة ابل هي: 4 و5 و6 و7 و8 و9 و10 و11 و12.

 وبالنسبة لنظام الاندرويد المطور من قبل جوجل فهو الأكثر شيوعا وتعمل به العديد من الموبايلات زي سامسونج واوبو وهواوي وشاومي وانفنيكس وتكنو. وإصدارات الاندرويد هي جيلي بين (4.1، 4.2، 4.3) وكيت كات 4.4 ولولي بوب (5.0، 5.1) ومارشيمللو 6.0 ونوجا (7.0 و7.1) واوريو (8.0، 8.1) وآخر اصدار باي 9.0.

تحديد دقة وتقنيات الكاميرا

لا أحد يستطيع الاستغناء عن الكاميرا في الموبايل. وهناك نوعين من الكاميرا: كاميرا أمامية (سيلفي) وكاميرا خلفية. تقدر تعرف دقة كل منهم بالميجا بكسل، ولازم تعرف ان الميجا بكسل عبارة عن مليون وحدة بكسل. ودقة كاميرا الموبايلات بتبدأ من 2 ميجا بكسل حتى 41 ميجا بكسل (بعض الموبايلات الحديثة تأتي بعدد بكسلات أكبر).

ومش بس عدد البكسلات هي اللي بتحدد دقة الموبايل، كمان الكاميرا بتأتي بخصائص وتقنيات أخرى مهمة جدا لجودة الصور زي تقنية الذكاء الاصطناعي والاتش دي ار (المدى الديناميكي العالي) اللي بيساعدوا الكاميرا على منحك صور جميلة جدا بوضوح عالي جدا.

نوع وحجم ودقة الشاشة

مع التقدم التكنولوجي الكبير اللي بنشهده بشكل يومي، نجد ان أنواع الشاشات في ازدياد مستمر. فهناك العديد من الأنواع زي شاشة ال سي دي بتقنية تي اف تي وال سي دي بتقنية اي بي اس وشاشة ال سي دي السعوية وشاشة او ال اي دي وشاشة سوبر أموليد.

وكمان دقة الشاشة بتختلف من نوع لآخر على حسب التقنيات المختلفة وهي: اتش دي (الوضوح العالي) وكيو اتش دي (الوضوح العالي الرباعي) والوضوح العالي الكامل والوضوح الفائق بدقة 4K. وكلما ازدادت دقة الشاشة، ازدادت جودة الصورة وبالتالي تتحسن ألوان الصورة لتستمتع بصورة شديدة الوضوح غنية بالألوان الرائعة.

 تحديد نوع المعالج!

عند شراء أي موبايل لازم تكون عارف نوع المعالج اللي بيناسب احتياجاتك. وعشان تعرف نوع المعالج، لازم تكون عارف وظيفته في الموبايل ومدى أهميته. فالمعالج مسئول عن انجاز المهام وتنفيذ الأوامر اللي بتطلبها من الموبايل، ويتكون المعالج من عدة أنوية. ويوجد العديد من الأنواع للمعالج، ومن أشهر الأنواع سناب دراجون كوالكوم وميديا تك وهايسيليكون وسامسونج اكسنوس.

وبالنسبة للأنوية، توجد وحدات معالجة أحادية النواة وثنائية النواة ورباعية النواة وسداسية النواة وثمانية النواة. كل نواة تكون مسئولة عن أداء مهمة معينة لمنحك أداء فائق السرعة. وعندما يزيد عدد الأنوية، يتم تقسيم المهام والأوامر على الأنوية ليكون المعالج أكثر سرعة. وكلما كان عدد الأنوية أكثر، كلما كان الأداء أفضل والتهنيج أقل.

طب والرام؟

كلمة رام اختصار لذاكرة الوصول العشوائي، ومن معناها نستطيع ان نفهم انها ذاكرة مؤقتة يعتمد عليها الموبايل أثناء التشغيل. ويتم قياس الرام بالجيجا بايت، وتبدأ الموبايلات من 1 جيجا رام حتى 8 جيجا رام. ولو انت من الأشخاص اللي بتستخدم الهاتف بشكل مكثف، هتحتاج موبايل بذاكرة رام كبيرة لتستمتع باستخدام انسيابي وسلس بدون أي تهنيج أو بطء. فالرام والمعالج هما المسئولان عن سرعة وأداء الجهاز لكي تستمتع بتجربة استخدام سريعة وسلسة.

البطارية هتكمل ولا؟!

لما تقرر تشتري موبايل، هتحتاج تعرف سعة البطارية عشان تعرف الموبايل هيفضل شغال لحد امته! هناك نوعين من البطاريات: ليثيوم بوليمر وليثيوم أيون. وتقاس البطارية بعدد المللي أمبير في الساعة. وتتراوح سعة البطارية في الموبايلات من 1500 مللي أمبير في الساعة حتى 4500 مللي أمبير في الساعة. وكلما زادت سعة البطارية، كلما زادت مدة تشغيل الموبايل.

الميزانية!

عشان تقرر نوع الموبايل اللي هتشتريه لازم تكون محدد ميزانيتك. لازم تكون عارف مستعد تدفع كام عشان تقدر تلاقي الموبايل اللي هيلبي احتياجاتك. وتبدأ الأسعار عادة من 1500 جنيه حتى 30,000 جنيه. وتختلف الأسعار من ماركة لأخرى وكمان التقنيات الجديدة للموبايلات هي اللي بتحدد الأسعار وبتخلي سعر موبايل يختلف عن الآخر.

إمكانية الاتصال

 قوة إشارة الموبايل من أهم العوامل في أي موبايل. لا أحد يفضل انقطاع الاشارة عن موبايله خاصة عند التواجد خارج المنزل. وتتميز معظم الموبايلات  الحديثة الآن بشبكة اتصال لايت إما الجيل الثالث أو الجيل الرابع. فشبكة الجيل الثالث مخصصة في المقام الأول لتوفير اتصال بالإنترنت من خلال أبراج الراديو التي تقدم خدمات للهاتف المحمول. إما شبكة الجيل الرابع فهي تعتبر الإصدار الحديث من شبكة الجيل الثالث وتوفر اتصال أسرع 10 مرات من شبكة الجيل الثالث.

من الآخر، لازم تختار موبايلك  بعناية لأنه هيكون أكبر مساعد لك في أداء مهامك. كل اللي عليك أخذ هذه النصائح في الاعتبار عند شراء موبايل جديد، وبكدة هتضمن انك اشتريت الموبايل المناسب اللي هيلبي كل احتياجاتك.