جزء من الوقاية من أي فيروس بيعتمد على نوع الأكل اللي بتاكله. فالأكل الصحي بيحفز الجسم على مقاومة السريعة وبيساعد على رفع جهاز المناعة. والفترة دي فرصة كويسة للأكل الصحي بما أننا قاعدين في البيت. 

طيب ايه الأكل اللي بيقوي المناعة؟

1. أقوي محارب لأي فيروس هو فيتامين سي وده موجود في حاجات كتير زي:

الليمون

البرتقال

التفاح

الكيوي

الجزر

ممكن تأكل الفاكهه أو تعملها عصير المهم يكون فريش. ممكن تعمله في البيت عادي بعصارة البرتقال أو عصارة الفواكه للكيوي والجزر والتفاح. 

2. البروكلي

زود فيتامينات كثيرة  لوجبة الغداء زي فيتامين (سي) وفيتامين (أ) وفيتامين (د) بحاجة واحدة بس و هي البروكلي. وأفضل طريقة عشان تحافظ على معظم فوائده هي تسويته بالبخار.

3. السلطة

دلوقتي مش مفروض نكسل نعمل طبق سلطة عشان احنا محتاجيين فيتامينات تقوي المناعة.

فالحل المضمون عشان تأكل سلطة كل يوم ومتكسلش هو انك تقطعها بالكيتشن ماشيين 

ومهم جدا نضيف على السلطة الفلفل الأحمر لأنه مليان فيتامين سي.

4. الثوم

الثوم بيحتوي على فوائد كثيرة جدا من ضمنها  تحفيز الجسم على مقاومة الأمراض تقدر تضيفه للسلطات زي  الثومية، بابا غنوج أويتفرم في الكبة ويتضاف للصلصة في الأكل

5. الزبادي

كل زبادي لأن البكتيريا اللي فيه مفيدة وبتساعد على الهضم وبتقوي الجهاز المناعي. وممكن عادي تعمل زبادي في البيت  وتضيف عليه ملعقة عسل.