في حاجة كدة بتشد الواحد للأكل المتحمر في الزيت متفهمش ايه القلق اللي بيعمله ده، بالذات لو متحمر صح ويطلع ذهبي بيبقى مشكلة. عندك مثلا البطاطس المحمرة وهي لسه سخنة أو الفراخ الكريسبي وسمبوسك الجبنة اللي معاه سبرينج رولز بالخضار.
بيتاكلوا في اول الأكل او نصه او بين الوجبات مش هتفرق المهم دي الأكلات اللي تفتح النفس وتضبطلك مودك.
بس طبعا كلنا عارفيين انك مستحيل تقاوم كل ده وسهل أوي تسرح وتاكل كتير جدا
اوحش حاجة بجد الأحساس بالذنب اللي بيجيلك بعدها عشان السعرات مبترحمش.
واكتر حد بيتبهدل اللي عامل دايت وبينتقم في اليوم الفري بس للأسف الأسبوع كله ممكن يضرب بسبب اليوم ده.
واللي ماسكين نفسهم بيبقوا على تكة مضغوطيين جدا ومش عارفيين ياكلوا حاجة من نفسهم . وبعدين؟
طيب بما اننا اكيد مش حنقضيها سلطة ولا هنسيب نفسنا خالص للدهون نعمل ايه؟
مش لازم يا كدا يا كدا القصة دي كلها تتحل بقلاية من غير زيت واقلي فيها كل اللي انت عاوزه و من غير دهون خالص. والحل دا مناسب جدا لو سنك كبير وخايف على صحتك من غير متقضيها أكل مسلوق.
قلاية بدون زيت؟ بتشتغل ازاي؟
دي قلاية عادية جدا بديلة لقلاية الزيت بتحط اللي انت عاوز تقليه وتشغلها عادي جدا هتقلي بطاطس فراخ سمبوسة كل اللي نفسك فيه من غير زيت أو معلقة زيت واحدة بس لو حابب .
بشتغل بتوزيع الهواء السخن طول فترة القلي فيطلع الأكل كأنه بالضبط متحمر في الزيت لكن بدهون قليلة جدا
جرب تيفال ايزي فراي كلاسيك 4.2 لتر، EY201815
ممكن تقلي فيه ايه؟
بطاطس محمرة وبرجر
سمبوسك
سبرنج رولز
كرات اللحم و كفتة و شيش طاووق
بوفتيك أو بانيه
تقدر تتحكم في درجة الحرارة ولو حابب حاجة كريسبي او طرية اضبط الوقت ودرجة الحرارة وممكن تسخن القلاية قبل ما تحط الأكل عشان توفر وقت