1. الرياضة
ازاي تصحي الصبح فايق ومركز؟ ابتدي يومك ب30 دقيقة رياضة هتفرق أوي في مودك وهتزود طاقتك.
2. خطط ليومك
اكتب كل حاجة عايز تعملها في يومك وشوف هتبتدي بايه الأول. الخطوة دي هتخليك ترتب اولوياتك ومتبقاش قلقان أنك تنسى حاجة. اكتبها بطريقتك أو نزل ابليكشن على موبايلك تساعدك تعمل قائمة المهام اليومية بسهولة.
3. خصص مكان تشتغل منه
خصص مكان محدد تشتغل منه وجهز كل حاجة ممكن تحتاجها. خلي جنبك شاحن الموبايل، شاحن اللاب توب، السماعات، حاجة تكتب فيها وأكل خفيف
4.اتحكم في وقتك وتركيزك
لو بتضيع وقت كتير على السوشيال مديا أو أي مواقع تانية ممكن تنزل ابليكشن على اللاب توب والموبايل تقفل المواقع دي لمدة محددة تكون ركزت من غير ما تسرح وتكون خلصت اللي عليك.
5. اقرأ من الورق أحسن من الشاشة
لو شغلك بيحتاجك تقرأ كتير يبقى الأفضل أنك تطبع وتقرأ من الورق. هتوفر وقت وهتلاقيه أريح وأسرع بكتير.
6. حدد وقت تفصل فيه
عشان تحافظ على طاقتك لازم تدي لنفسك بريك كل شوية. ابعد عن المكتب واللاب توب اطلع بره المكان اللي كنت قاعد فيه و اعملك كوباية شاي أو قهوة واقعد في البلكونة .
7.خلي أكلك بسيط وصحي
لأننا قاعدين في البيت فالأحسن نركز على الاكل الصحي . اعمل حاجات سهلة وسريعة. اعمل خضار سوتيه على البخار ، و فراخ أو لحمة على الجريل. هتحافظ على صحتك وفي نفس الوقت تختصر في وقت الطبخ.
