وانت بتشتري حاجة اونلاين بتبقى شايل هم الشراء خصوصا لو هتدفع على مرة واحدة . عشان كدة التقسيط  بيبقى حل مريح في أوقات كتير لأنه بيشيل ضغوطات وأعباء مادية من عليك.

مشكلة التقسيط الوحيدة اللي ممكن تقابلك هي صداع حسبة الاقساط، بالذات لو مقررتش هتقسط على كام شهر وهتدفع مقدم ولا لأ.

ناس كتير متعرفش ان فيه حاجة زي الحاسبة كدة موجودة في صفحة كل منتج ينفع يتقسط هتساعدك تخطط وتقرر أحسن حاجة ليك.

تقدر منها تحسب قسطك  هيبقى كام كل شهر وده بيختلف طبعا على حسب مدة التقسيط اللي هتختارها، واذا كنت هتدفع مقدم أو لأ، و المقدم قد ايه. 

طيب ازاي تستخدم الحاسبة؟

أول حاجة ادخل على صفحة المنتج اللي هتشتريه وهتلاقي على الشمال تفاصيل السعر زي كدة:

 

عندك طريقتين للدفع يأما تدفع المبلغ كله أو تقسط

1. لو هتدفع مرة واحدة من غير ما تقسط:

سعر المنتج اللي في الصفحة بيكون ده

 يعني مثلا المنتج ده ب4700  جنيه لو هتشتريه من غير تقسيط

 ولو في خصم على المنتج هتشوف نسبة الخصم اللي هي 6% هنا

و السعر قبل الخصم كان 5000

تمام؟ لو السعر عجبك وقررت تشتري اختار السعر ده و بعدين  اضغط على اشتري الان

 

2. انما لو انت ناوي تقسط يبقى الجزء ده اللي يهمك

 هتلاقي شهور التقسيط اللي المنتج ده ينفع يقسط عليها.

 

مثلا هنا المتاح تقسط المنتج ده على 6 شهور،12 ، 18 ،أو 24 شهر وجنب كل مدة هتلاقي مبلغ القسط .

بس الاقساط دي لو انت مش هتدفع مقدم.

على سبيل المثال لو انت هتقسط على 6 شهور يبقى كل شهر القسط هيكون 878 جنيه على افتراض انك مش عايز تدفع مقدم خالص.

لو هتقسط على 12 شهر القسط هيبقى 486 جنيه كل شهر و هكذا.

طيب ازاي تقدر تعرف الاقساط هتبقى كام لو دفعت مقدم ؟

 

اكتب  قيمة المقدم اللي عايز تدفعه و الاقساط هتتغير لوحدها .يعني لو هتدفع مقدم 800 جنيه اكتب 800 و الاقساط هتبانلك

 

أو لو عايز تدفع مقدم 1000 جنيه هتكتب 1000 ودي هتبقى الاقساط اللي عليك

 

كل ده تقدر تعرفه حتى من قبل ما تعمل طلب التقسيط . فتحدد بنفسك ايه احسن مدة تقسيط تناسب ظروفك والتزاماتك وايه الانسب لك تدفع مقدم ولا لأ ولو هتدفع مقدم هيفضلك قد ايه يتقسط