كلنا بندور ونلف كتير قبل ما نختار الموبايل المناسب لأننا بنستخدمه تقريبا بشكل يومي في إنجاز جميع أعمالنا. وسواء كنت في البيت أو في الخارج، مش هتقدر تستغنى عن وجود الموبايل معك دايما أو على الأقل بالقرب منك. فكلنا عارفين ان الموبايل هو أفضل صاحب عشان بيساعدنا ننجز العديد من المهام والأنشطة زي إجراء المكالمات الهاتفية والاستماع إلى الموسيقى والأغاني المفضلة وتشغيل الألعاب ومشاهدة الأفلام وحاجات تانية كثيرة. ده غير ان تصفح الانترنت ومتابعة حساب الفيسبوك والواتساب والانستجرام أصبح عادة يومية لا غنى عنها. ولأن هناك الكثير والعديد من الهواتف الذكية في السوق فكل شخص بيختار الموبايل المناسب له على حسب احتياجاته واهتماماته. بعض الأشخاص أهم حاجة بالنسبة لها الكاميرا وأشخاص أخرى تفضل المعالج والأداء القوي وآخرون يفضلون الصوت النقي والجهوري.

اوبو F9

معظم الناس بتقلق من نفاذ بطارية الموبايل عندما يكونوا خارج المنزل سواء أثناء التسوق أو عند الخروج مع الأصدقاء أو الذهاب في رحلة طويلة. عشان كدة، اوبو بتقدم موبايل اوبو F9 اللي بيتميز ببطارية بأحدث تقنية شحن ممكنة تعرف بـ “فوك”. وتعمل هذه التقنية على استخدام جهد أقل وتيار كهربي أعلى، وده بيمنحك فرصة للتحدث لمدة ساعتين عند شحن الموبايل لمدة 5 دقائق فقط. ده غير ان بطارية الموبايل قوية جدا بسعة تصل إلى 3500 مللي أمبير في الساعة لكي تدوم لفترات أطول حتى عند تشغيل تطبيقات تستهلك البطارية بشكل كبير. ولا يمكن ان ننسى دور اوبو ومكانتها الرائدة في مجال السيلفي، لذلك وعشان كده اوبو بردو بتقدم لنا موبايل F9 اللي بيتميز بكاميرا أمامية بدقة 25 ميجا بكسل بالذكاء الصناعي لالتقاط صور طبيعية رائعة.

ريدمي نوت 6 برو

أصبح التصوير الآن مع انتشار الهواتف الذكية سهل جدا. كل اللي عليك اخراج الموبايل من حقيبتك أو من جيبك والتقاط صور سيلفي مع أصدقائك أو مع جميع أفراد عائلتك لتوثيق اللحظات الحلوة والمناسبات السعيدة. لكن خليك عارف ان مش كل الكاميرات تقدر تمنحك صور في غاية الوضوح. عشان كدة، لو بتدور على موبايل بكاميرا رائعة، موبايل شاومي ريدمي نوت 6 برو هو الجهاز المثالي لك. فالموبايل ده بيتميز بتصميمه الرائع وأربع كاميرات تعمل بالذكاء الاصطناعي لمنحك صور واقعية وحقيقية إلى أبعد الحدود. فالكاميرا الخلفية تأتي بعدسات مزدوجة بدقة 12 ميجا بكسل + 5 ميجا بكسل بالتركيز التلقائي لالتقاط صور بجودة رائعة. كمان، هتقدر تلتقط صور سيلفي رائعة مع موبايل شاومي ريدمي نوت 6 برو لأن الكاميرا الأمامية المدعومة بالذكاء الاصطناعي تتميز بعدسات مزدوجة بدقة 20 ميجا بكسل + 2 ميجا بكسل، ده غير وضع البورتريه اللي بيعمل بالذكاء الاصطناعي ويدعم 6 تأثيرات بوكيه جديدة لإضافة إطلالة جديدة ورائعة على مظهرك. فخليك واثق انك مش هتفوت أي لحظة مع موبايل شاومي ريدمي نوت 6 برو. وبالنسبة للأداء، يتميز موبايل شاومي ريدمي نوت 6 برو بأداء مذهل حيث يأتي بمعالج سناب دراجون 636 ثماني النواة وبطارية سعتها 4000 مللي أمبير في الساعة عشان تقدر تنجز جميع مهامك بسهولة وانسيابية. 

هواوي نوفا 3i

لابد ان نوضح مزايا موبايل هواوي نوفا 3i المعروف بأنه سيلفي النجوم الجديد المدعم بالذكاء الإصطناعي لمنحك صور رائعة ومميزة. يتميز موبايل هواوي نوفا 3i بتصميم رائع، حيث يأتي بأربع كاميرات مدعمة بالذكاء الاصطناعي: كاميرا أمامية مزدوجة بدقة 24 ميجا بكسل+ 2 ميجا بكسل، وكاميرا خلفية مزدوجة بدقة 16 ميجا بكسل+ 2 ميجا بكسل لضمان التقاط صور مذهلة بوضوح عالي. وبفضل وضع البورتريه والاتش دي ار برو (المدى الديناميكي العالي) وخاصية التصوير البطئ والتقاط المشاهد الكثيرة المختلفة، يعتبر موبايل هواوي نوفا 3i هو الجهاز المثالي لك. أما بالنسبة للأداء، فالموبايل الرائع ده يتميز بمعالج كيرين 710 اللي هيمكنك من الانغماس في اللعب وإنهاء جميع مهامك بسرعة بدون ما تعاني من أي بطء أو تهنيج. ده غير حجم الشاشة الكبير 6.3     بوصة بالوضوح العالي الكامل 2340  x 1080 اللي بيمنحك زاويا عريضة لرؤية جميع الأشياء بصورة أكبر .

سامسونج جالكسي نوت 9

الكل بيدور على موبايل يجمع بين التصميم الأنيق والأداء المتطور وتعدد الاستخدامات، لأن هو ده اللي بيخلي الهاتف الذكي مميز ومناسب للاستخدام. عشان كدة، سامسونج بتقدم لنا موبايل جالكسي نوت 9 اللي هيغير مفهومنا عن جميع الهواتف الذكية. يتميز الموبايل ده بتصميم أنيق وشاشة 6.4 بوصة بوضوح كيو اتش دي وتقنية سوبر أموليد لتنغمس في تجربة مشاهدة رائعة. والأهم من ده، يأتي موبايل سامسونج نوت 9 بقلمهيساعدك في أداء الكثير من المهام، عشان تقدر تتحكم عن بعد في الموبايل من خلال القلم. ومن خلال ضغطة زر، هتقدر تلتقط صور وتغير الشرائح وتوقف مقاطع الفيديو، وحاجات تانية كثيرة. عشان كدة، يعتبر سامسونج جالكسي نوت 9 هو الموبايل المثالي للشغل الكثيف والاستخدام متعدد المهام. 

هواوي Y7 برايم 2018

عاوز موبايل أنيق يضفي إطلالة أنيقة وجذابة على مظهرك؟ باختصار موبايل هواوي Y7 برايم هو الجهاز المثالي لك. يتميز الموبايل ده بشاشة عريضة تسمح لك بعيش تجربة غامرة أثناء مشاهدة أفلامك المفضلة. ويأتي موبايل هواوي Y7 برايم بشاشة كاملة بحجم 5.99 بوصة ودقة عالية الوضوح مع استحواذ الشاشة لنسبة كبيرة من واجهة الموبايل عشان تقدر تشاهد أي محتوى بصورة أوضح. ده غير انه بيتميز ببطارية قوية سعتها 3000 مللي أمبير في الساعة عشان تقدر تشاهد مقاطع الفيديو لمدة 13 ساعة متواصلة. كمان يتميز الموبايل ده بأداء سلس وخاصية تقسيم الشاشة ومستشعر خاص ببصمة الوجه وبصمة الأصبع الخلفية وخصائص تانية كثيرة.

هواوي Y9 2019

لكي تستمتع بمظهر فريد من نوعه، يجب أن تختار موبايل مذهل يأخذك إلى آفاق جديدة. عشان كدة، لو بتدور على تصميم ملحوظ لموبايل مثالي، خليك واثق ان هواوي Y9 2019 هو الاختيار الأمثل لك. فمع الموبايل ده هتستمتع بصورة واضحة غنية بالتفاصيل بفضل حجم الشاشة 6.5 بوصة اللي هينقلك الى مستوى جديد من الانسجام البصري. كمان هتقدر تتباهي بالموبايل أمام أصدقائك لأنه بيتميز بتصميم ثلاثي الأبعاد وحواف منحنية مع تقنية النانو الشريطية. وبكدة هتتمكن من توثيق لحظاتك المفضلة مع إضافة مؤثرات تجميلية في كل لقطة من خلال الموبايل ده اللي بيأتي بـ 4 كاميرات، حيث يتميز الموبايل بكاميرا أمامية مزدوجة بدقة (16 ميجا بكسل + 2 ميجا بكسل) وكاميرا خلفية مزدوجة بدقة (13 ميجا بكسل + 2 ميجا بيكسل) لمنحك صور نابضة بالحياة في غاية الوضوح. ده غير ان موبايل هواوي Y9 2019 يتميز بمعالج كيرين 710 ثماني النواة وبطارية قوية سعتها 4000 مللي أمبير في الساعة عشان تقدر تحمل الألعاب المفضلة لديك وتستمتع بكل أوقاتك.

هونر 8X

من دلوقتي مفيش داعي لأي حيرة أو تردد لأنك هتقدر تحقق أحلامك وتحول الواقع إلى حقيقة مع موبايل هونر 8X المذهل! يتميز موبايل هونر 8X بشاشة كاملة بحجم 6.5 بوصة وبدقة1080وبتصميم بلا حواف تقريبا لتحتل الشاشة أكبر مساحة ممكنة من الموبايل وتحصل على أفضل تجربة مشاهدة ممكنة. وكمان يتميز الموبايل بأداء لا يقاوم حيث يأتي بمعالج كيرين 710 ومعالج رسوميات تربو يعزز من الكفاءة في معالجة الرسومات، وده معناه انك هتستمتع بتشغيل الألعاب ومشاهدة الأفلام بكل سهولة وسرعة وانسيابية. ده غير ان تصميم الموبايل الجديد الزجاجي يتميز بكاميرات تدعم الذكاء الاصطناعي ومزودة بمؤثرات الحركة البطيئة (سلو موشن) والبورتريه، عشان  متفوتش لحظاتك الثمينة.